Ĉi tiu paĝo estas provlegita
Du Sake[1]-Vendistoj
De Tokuchi Kodo
He! Haĉiko, ĉu vi estas hejme?
Ĉu vi? Amiko Kumako! Eniru!
Kia bela printempa vetero!
Jes, belega.
Multaj homoj iradas admiri la ĉerizflorojn: Kial vi restadas hejme en tia sezono?
Ve! Mi iom hontas diri al vi, mia kunfrato, ke mi ne havas eĉ unu senon[2]. Kaj kun senenhava monujo nenie troviĝas plezuro; mi do restadas hejme fumante kiel tekruĉo!
Ne, tio estas sensencaĵo! Ni kuniru admiri la ĉerizflorojn en Mukoĵima.
Kiel mi diris al vi, mi ne povas eliri…
Sed, post 4 aŭ 5 tagoj, ne restos plu floroj!
Mi tion bone scias. Sed ve!…
Mia poŝo ankaŭ estas malplena kiel la via. Sed post longa medito, mi fine elpensis bonegan metodon gajni monon admirante la florojn.
Ho, ho! Kaj kiel?
