Sonoj Esperantaj/Mortulo

by Leo Belmont

MORTULO.

de Leo Belmont.

Kial krias korvo avidulo
Kial longe superflugas min?
Ĉu tie ĉi proksima mortulo
Per odoro tiel vokas lin?…

Ha! mi legas en signifo kria,
Vidas kaŭzon en avida trem’:
Post la amo malfeliĉa mia
Estas preskaŭ mortulo mi mem!…

La teksto estas publika havaĵo (public domain). Detaloj pri la licenco troviĝas ĉe la paĝo de la aŭtoro: Leo Belmont.