Verkoj de FeZ/Ni ĵuras

El Vikifontaro
Salti al navigilo Salti al serĉilo
NI ĴURAS.
(Nepresitaj rememoroj en Aprilo 14.)


Je l’ tombo de Majstro kaj voko mistera
Mileĥe al ni kiu kuras,
Je nia destin’ apostola, surtera
Je l’ cindroj praavaj

— Ni ĵuras


Malpacon, malamon el koroj forigi,
En unu kuniĝi grandrondo,
Sanktfajron de l’ amo, konkord’ ekflamigi
Laŭ tempo praava, pramondo.

Mileĥe vekvokan aŭdigi signalon
Tra l’ mond’ en malpaco dronanta,
Kaj alte starigi la ĵuridealon:
— Ideo kaj lingv’ Esperanta!…

En pensoj, en agoj, en faroj kaj celoj
Ni sekvos la ĵuron faritan,
Kaj ĉiam kaj ĉiuj postiros fidelaj
La vojon de l’ Majstro montritan.