El Parnaso de Popoloj/Edziĝa kanto

by Vaĵa Pŝavela

Ebenigu vi

Indekso : Edziĝa kanto de Vaĵa Pŝavela Tradukita de Antoni Grabowski El Parnaso de Popoloj

El hejm' fordonis min patrineto

el Nupto de garoloj

Edziĝa kanto

elkartveligis Antoni GRABOWSKI

 Didebà ŝenda cata mkrobeŭo
 Didebà ŝenda bunebis dzaŭo.

Gloron al vi, reganto la ĉiela,
Al forto de l' naturo sonu glor'!
Gloron al vi, ho fianĉino bela,
Kaj al fianĉo en feliĉa hor'!

El amo plektos mi por ambaŭ kronon,
Belornamita estos ĝia rond':
Mi malavare ligos ĉian bonon,
Trovitan ie en la vasta mond'.

Sincere dediĉita violfloro
Por gefianĉoj estu kap-ornam'.
Ĉar ame batas ankaŭ mia koro,
Do ĝin falmigas via granda am'.

Karesa sent', liganta feliĉulojn,
Allogas ĉies koron kaj okulojn.