El Parnaso de Popoloj/Trovita

by Johann Wolfgang von Goethe

Tri Budrisoj

Indekso : Trovita de Johann Wolfgang von Goethe Tradukita de Antoni Grabowski El Parnaso de Popoloj

Uta-kantoj

Trovita

elgermanigis Antoni GRABOWSKI

 Ich ging im Wald
 So für mich hin.

Mi foje arbaron
Promene eniris,
Kaj serĉi nenion
En penso deziris.

Mi vidis, en ombro
Jen staras floreto:
Steleto lumanta
Aŭ blu-okuleto.

Mi volis ĝin ŝiri,
Sed plore ĝi diras:
"Ĉu por ke mi velku,
Vi tial min ŝiras?"

Do mi ĝin elfosis
Kun radikareto,
Kaj portis al mia
Ĝarden' ĉe l' dometo.

En loko trankvila
Plantite karese,
Ĝi kreskas, burĝonas,
Kaj floras senĉese.