Fabloj de I. A. Krilov/La vulpo kaj la vinbero

El Vikifontaro
Salti al navigilo Salti al serĉilo
17. La elefanto-vojevodo Indekso : Fabloj de I. A. Krilov
de Ivan Krilov
Tradukita de Vasilij Devjatnin
18. La vulpo kaj la vinbero
19. La maljunulo kaj la morto


18. La vulpo kaj la vinbero.

La vulp' enrampis en ĝardenon ĉe okazo;
En ĝi vinberaj tufoj ardis.
La vulpo ilin kun plezuro ekrigardis;
La tufoj sukaj similiĝis al topazo;
Kaj ĝi tuj mem eksentis la mizeron:
Tro alte! Ilin ĝi atingi provas,
Ĝi [tiel] vidas la vinberon,
Sed preni ĝin ne povas, —
Do vane devis ĝi suferi.
La vulp' foriras kaj eldiras: «estas vero,
Bongusta estas bero,
Sed ne matura la vinbero:
Agaco povas ja aperi.»