Sonoj Esperantaj/Epigramo

by Leo Belmont

EPIGRAMO.

de Minajev.

Similas Vi al Robespiero:
Vi estas prava, kara frato!
Vi estas ankaŭ oratoro,
Vi estas ankaŭ advokato.

Pro paroladoj politikaj
Al Vi egala estas gloro…
Kaj tian grandan similecon
Konfesas mi el tuta koro…
Malgranda unu diferenco
Tamen per dubo koron frapis:
Lin — senkapigis gilotino
Kaj Vin… la sorto mem senkapis!

La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Dmitrij Minajev kaj de la tradukinto: Leo Belmont.