El Parnaso de Popoloj/Kamelo kaj pulo

Kamelo kaj pulo (1913)

Tradukita de Antoni Grabowski
El Parnaso de Popoloj, Pola Esperantisto (p. 205)

Elŝuti kiel:

 Em uma longa jornada
 Em camelo mui carregado.

Dum tre longa tag' somera
La kamelo, tro ŝarĝite,
Foje vokis, lacigite:
— "Ho, la ŝarĝo malmodera!"

Aŭdis ĝin fraŭlino pulo,
Kaj respondis fiersente:
— "Trankviliĝu, mi momente
Liberigos vin, karulo,

De l' pezaĵo tro premanta;
Jen mi saltas for el selo!"
Tiam diris la kamelo:
— "Dankon, moŝto elefanta!"