El Parnaso de Popoloj/Mia koro

Mia koro (1913)

de Théodor Aubanel

Tradukita de Antoni Grabowski
El Parnaso de Popoloj, Pola Esperantisto (p. 206-207)

Elŝuti kiel:

97.

MIA KORO.

(El „La Miougrano” de Théodor Aubanel.)

Ah! se moun cor avié d'alo,
Sus toun cóu, sus toun espalo.

◡—◡ | —◡ | —(◡ | —◡)

Se estus mia kor' flugila,
Al via kolo, blanke-brila,
Ĝi flugus kiel flam',

Kaj en orelon, karulino,
Al vi rakontus ĝi sen fino
Miraĵojn pri la am'.

Se estus mia kor' flugila,
Al via buŝ', koral'-simila,
Ĝi flugus, kanari';

Per kisoj vin karesus kante,
Sur via buŝo, silentante,
Ekdormus fine ĝi.

Kor' senflugila estas mia!
Ĝin premas vintro la glacia;
Do vi varmigu ĝin!

En manojn prenu ĝin favore,
Rigardu: ŝafideto plore,
Karese kaŝas sin!

---